Nur-Sultan qalasynyń ákimi Altai Kólginov Esil ózeninen ótýge arnalǵan jańa kópir qurylysy týraly aityp berdi, dep habarlaidy QazAqparat.
«Biyl Táýelsizdik dańǵylymen Esil ózeninen ótetin kópir qurylysyn bastaimyz. Aldaǵy eki jylda qurylys aiaqtalady. Sonda Máńgilik el dańǵylyndaǵy kólik keptelisi azaityp, oń jáne sol jaǵalaýlardy qosymsha kópirmen jalǵaimyz», - dedi Kólginov Ortalyq kommýnikatsiialar qyzmetinde ótken baspasóz máslihatynda.
Sonymen birge, biyl 2 kópirdiń qurylysy aiaqtalyp, paidalanýǵa berilýi tiis.
«Kólik júktemesin azaitý úshin qosymsha kópirler salýymyz qajet. Qazir shartty ataýy №27 kóshe ázirlenip jatyr. Onda Jańa vokzalǵa qarai Nura-Esil kanaly men Esil ózeninen ótetin eki kópir salynǵan. Bul da oń jáne sol jaǵalaýdardaǵy kólik keptelisin azaitýǵa kómektesedi. Biyl barlyq qurylys aiaqtalyp, paidalanýǵa beriledi», - dedi elorda ákimi.
