Elordanyń bas sanitar dárigeri Sarhat Beisenova Nur-Sultan qalasynda karantin sharalaryn qatańdatý týraly jańa qaýly shyǵardy, dep habarlaidy "Ult aqparat".
Qaýlyda meiramhanalar men dámhanalardyń jumysyna qatysty ózgerister bar.
«Meiramhana, dámhana jáne kofehanalar ornalasqan jerine qaramastan, kórshiles ústelderdiń shetki oryndary arasynda keminde 2 metr áleýmettik qashyqtyqty saqtai otyryp, toltyrylýy boiynsha 50%-ǵa deiin, biraq 30 orynnan aspaityn sharttardy saqtai otyryp, jumys kúnderi jumys kestesin saǵat 07:00-den 20:00-ge deiin belgilei otyryp, senbi jáne jeksenbi kúnderi jumystaryna tyiym salýmen jáne ashyq aýada (jazǵy zaldarda) otyratyn oryndarynyń sany 30-dan aspaityn eseppen jumys kúnderi jumys kestesin saǵat 07:00-den 22:00-ge deiin belgilei otyryp, senbi jáne jeksenbi kúnderi jumystaryna tyiym salýmen, tamaqty jetkizý jáne shyǵarý qyzmetin shtattyq rejimde uiymdastyrsyn», - dep jazylǵan qujatta.
Sondai-aq, Ashyq jobasyna qatysatyn qoǵamdyq tamaqtaný obektileri, onyń ishinde banket zaldary úshin jumys kúnderi ǵimarat ishinde jumys jáne demalys kúnderi saǵat 07:00-den 22:00-ge deiin belgilei otyryp jáne ashyq aýada (jazǵy zaldarda) jumys jáne demalys kúnderi saǵat 07:00-den 24:00-ge deiin jumys rejimi belgilenbek.
Kompiýter klýbtarynyń, PlayStation klýbtarynyń, boýlingterdiń, kinoteatrlardyń, kontsert zaldarynyń, teatrlardyń, tsirkterdiń, kórmelerdiń, biliard, karaoke, haiýanat parkteriniń, okeanariýmdardyń, batýttardyń, kinorýmdardyń, túngi klýbtardyń, býkmekerlik keńseler men oiyn klýbtarynyń, onyń ishinde lotereialardyń, balalardyń oiyn-saýyq ortalyqtarynyń, balalardyń oiyn bólmeleriniń, oiyn alańdarynyń jáne jabyq úi-jailardaǵy attraktsiondardyń, onyń ishinde sport obektilerinde ornalasqandardy qospaǵanda, muzdy jáne rolikti syrǵanaqtardyń jumysyna da tyiym salynbaq.
Biraq bul tyiym Ashyq jobasyna qatyspaityn sýbektilerge qatysty.
«Jabyq jaǵajailar men akvaparktardyń, onyń ishinde basseinderdiń jumysyna, Nur-Sultan qalasynyń sý aidyndarynda teplohod, kater, qaiyq, katamaran, sý mototsikli siiaqty serýendeý keme quraldarynyń jumysyna da tyiym salynsyn», - delingen qaýlyda.
Qujat qala aýmaǵyndaǵy jaǵajailardyń, sonyń ishinde ruqsat etilmegen jerlerdegi jaǵajailardyń jáne ashyq aýadaǵy akvaparkterdiń jumysyna da tyiym salyp otyr.
Qaýly 2021 jylǵy 11 shilde kúni saǵat 00.00-de kúshine enedi.
Qujattyń tolyq mátinimen myna jerden tanysýǵa bolady.
