Nur-Sultan qalasynyń bas memlekettik sanitarlyq dárigeri Sarhat Beisenova elordada qansha adamnyń ekpe alǵanyn aityp berdi, dep habarlaidy QazAqparat.
Dárigerdiń aitýynsha, qalada 100-den astam ekpe kabineti jumys istep tur. Barlyq meditsinalyq qyzmet litsenziialanady, qoǵamdyq densaýlyq saqtaý basqarmasy egý kabinetterin ornalastyrýǵa ýaqytsha ruqsat alatyn bekitilgen qalalyq emhanalar túrinde jappai vaktsinatsiiany uiymdastyrýǵa jaýap beredi.
«9 maýsymdaǵy jaǵdai boiynsha qala halqynyń 9,4%-y nemese 111 683 adam eki komponentti tolyq aldy. Birinshi komponentpen 169 632 adam nemese 14,3% qamtylǵan. Saýda jáne oiyn-saýyq ortalyqtary, saýda úileri janyndaǵy ýaqytsha egý pýnktterinde birinshi komponentpen 19 742 adam nemese barlyq egilgen halyqtyń 11,6%, ekinshi komponentpen – 9109 adam nemese 8,1% egildi», - dedi Sarhat Beisenova ákimdikte ótken brifing barysynda.
Aita keteiik, 10 maýsymnan bastap oqshaýlaý rejimin buzǵan turǵyndarǵa 87 510 teńge aiyppul salynady.
