Elordanyń aýmaǵynda sýǵa shomylýǵa ruqsat etilgen aimaqtardyń aty belgili boldy, dep habarlaidy QazAqparat.
Bul týraly Nur-Sultan qalasy tótenshe jaǵdailar departamenti azamattyq qorǵanys basqarmasynyń bastyǵy Ratbek Demeýbergen qala ákimdiginiń onlain brifinginde aitty.
«Biyl Nur-Sultan qalasy ákimdiginiń qaýlysy boiynsha sýǵa shomylýǵa ruqsat etilgen 3 aýmaq aiqyndaldy. Olar – «Ortalyq jaǵajai», «Tri peskaria» jáne «Astanalyq aýla».
Sonymen qatar, máslihat sheshiminiń jobasy qarastyrylýda. Joba sheńberinde shomylýǵa tyiym salynatyn 20 ýchaske aiqyndaldy. Qazir máslihat sheshimi Ádilet ministrliginde qaralyp jatyr. Vedomstvodan shyqqannan keiin tiisti otyrysta bul qaýly qabyldanady», - degen azamattyq qorǵanys ókili shomylýǵa bolmaityn álgi ýchaskelerdiń qalanyń qai aýdandarynda ornalasqanyn atady.
«20 ýchastektiń jeteýi Almaty aýdanynda, Baiqońyr aýdanynda – 4, Esil aýdanynda - 6 jáne Saryarqa aýdanynda – 3 ýchaske. Máslihat sheshimi qabyldanǵannan keiin tizim BAQ arqyly, úgit-nasihat jumystary jariialanady», - dedi Ratbek Demeýbergen.
