Nur-Sultan qalasyndaǵy epidemiologiialyq talaptardy kúsheitý jónindegi is-sharalar qabyldanady. Bul týraly Úkimet otyrysynda QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Birinshiden, búgin koronavirýstyń taralýyn tejeý jónindegi vedomstvoaralyq komissiianyń otyrysy ótkizilip, óńirlerde, onyń ishinde eń aldymen Nur-Sultan qalasyndaǵy epidemiologiialyq talaptardy kúsheitý jónindegi is-sharalar qabyldanady. Ekinshiden, barlyq ákimder adamdar kóptep jinalatyn oryndarda, ásirese demalys oryndarynda sanitarlyq talaptardyń, áleýmettik qashyqtyqtyń, maska rejiminiń qatań saqtalýyna basa nazar aýdarýy tiis.
Úshinshiden, ol barlyq óńirde monitoring toptardyń jumysyn kúsheitý qajettigin, qoǵamdyq oryndarǵa kelýshilerde «Ashyq» qosymshasymen tekserý talabyn qatań saqtaý kerek.
Tórtinshiden, eń mańyzdy másele - halyqty vaktsinatsiialaý. Barlyq deńgeidegi qala, aýdan, oblys ákimdikteriniń kúndelikti jeke baqylaýynda bolýy tiis. Vaktsina alyp úlgermegen adamdardy tez arada vaktsina alýǵa shaqyrý - eń basty basymdyq», - dedi Eraly Toǵjanov.
