Sinoptikter aldaǵy úsh kúnde Qazaqstanda aýa raiy ystyq bolady dep boljam jasady. Elordada aýa temperatýrasy 30 gradýstan joǵary bolady, dep habarlaidy elorda ákimdiginiń resmi saity «Qazgidromet» RMK-ǵa silteme jasap.
25-26 mamyrda Qazaqstan aýmaǵynda aýa raiy ystyq bolady. Ońtústikten jyly jáne qurǵaq aýa keledi.
«Eldiń batysynda 30...39°S, tipti soltústik jartysynda da termometr baǵany kúndizgi ýaqytta sirek baiqalatyn 32...38°S kórsetedi. Respýblikanyń ońtústik jáne shyǵys aýmaǵy da ystyq bolady, ońtústikte 30...40°S, shyǵysta 30...36°S-qa jetedi. Alaida, 27 mamyrdan bastap Batys, sodan keiin soltústik aimaqtarǵa Batys Eýropadan keletin antitsiklon áser ete bastaidy. Nátijesinde batys óńirlerde temperatýranyń 25...33°S-qa deiin, soltústikte 18...28°S-qa deiin tómendeidi» dep habarlady «Qazgidromet» RMK.
Erteń, 26 mamyrda elordada jaýyn-shashynsyz aýa raiy kútiledi.
Soltústik-shyǵystan 9-14 m/s jyldamdyqpen jel soǵady, aýa temperatýrasy túnde 18-20 gradýs, kúndiz 34-36 gradýs jyly bolady.
27 mamyrda ońtústik-batystan 9-14 m/s jyldamdyqpen jel soǵady, ekpini 15-20 m/s jetedi.
Aýa temperatýrasy túnde 16-18, kúndiz 26-28 gradýs jyly bolady.
