Elordada mototsikl satatyn dúkennen órt shyǵyp, 37 kólik janyp ketti, dep habarlaidy "Ult aqparat".
«8 maýsym kúni saǵat 11:54-te elordalyq órt sóndirýshiler Gertsen kóshesinde oryn alǵan órtti sóndirýge shyqty. Órt sóndirýshiler oqiǵa ornyna jedel jetti. Saǵat 12:02-de mototsikl satatyn dúkenniń irgeles aýmaǵynda 15 sharshy metrde 36 dana mototsikl men 1 dana qarda júretin tehnikanyń janyp jatqandyǵy anyqtaldy», - dep habarlady Tótenshe jaǵdailar ministrliginiń baspasóz qyzmeti.
Órt saǵat 12:09-da tolyqtai sóndirildi. Sóndirý jumystaryna Nur-Sultan qalasy TJD jeke quramynan 10 adam jáne 2 tehnika jumyldyrylǵan.
«Zardap shekkender men qaitys bolǵandar joq. Órttiń shyǵý sebebi anyqtalýda. Tótenshe jaǵdailar ministrligi azamattarǵa órt qaýipsizdigi erejelerin qatań saqtaý qajet ekendigin eskertedi», - deidi TJM baspasóz qyzmeti.
