29 mamyrdan bastap Turan dańǵylyndaǵy Kerei Jánibek handar kóshesinen Syǵanaq kóshesine deiin bólingen «Bus Lane» jolaǵy iske qosylady, dep habarlaidy elorda ákimdiginiń resmi saity.
Búgingi kúni ol elordanyń áleýmettik jáne mádeni nysandaryn bailanystyratyn negizgi kólik toraptarynyń biri.
Bul jelimen úlken suranysqa ie 5 baǵdar ótedi: №40, 50, 51, 53, 61. Óz kezeginde, avtobýs jelisin engizý jol júrý ýaqytyn 8 minýtqa qysqartady. Naqtyraq aitsaq, avtobýs «Bus Lane» arnaiy bólingen jolaqpen eki baǵytta júrip ótken kezde jol júrý ýaqyty 20 minýtty, jolaqsyz 28 minýtty quraidy.
26 mamyrda Qabanbai batyr dańǵylynda «Bus Lane» avtobýs jelisi iske qosyldy. Bólingen jolaq «Aziia park» SOO baǵytynda ainalma jol airyǵynan bir jaqqa engizildi. Bul úlken suranysqa ie 15 baǵdardyń qozǵalysyna basymdyq berdi: №10, 12, 37, 51, 303 jáne t.b. Kún saiyn osy baǵyttarmen 40 myń jolaýshy júredi.
Qoǵamdyq kólikten bólek, «Bus Lane» arqyly jedel járdem men órt sóndirý tehnikasy qozǵala alady. Mysaly, mamyr aiynyń basynan bastap ziiatkerlik kólik júiesi jáne bólingen jolaqpen júrý arqyly jedel járdem reanimobilderine 69 ret kólik dálizi jasalyp, joldan jyldam ótkizildi. Bul olardyń naýqasqa jetý ýaqytyn edáýir qysqartty.
Aita keteiik, qazirgi ýaqytta «Bus Lane» jobasy uzyndyǵy 56,2 km bolatyn 22 jol bóliginde júzege asyryldy. Arnaiy jolaqtardy engizý esebinen baǵyttyq jeliniń 14%-yn qamtityn kólik joly qalyptastyryldy.
