Densaýlyq saqtaý ministriniń birinshi orynbasary Marat Shoranov elordadaǵy №1 aýrýhana koronavirýs juqtyrǵandardy qabyldai baistaǵanyn rastady, dep habarlaidy QazAqparat.
«Elordadaǵy №1 birinshi aýrýhanaǵa indet juqtyrǵan naýqastardy jatqyzyp jatyr degen aqparat tarady. Basqa aýrýmen kelgenderdi ózge emdeý mekemelerine jiberip jatqany týraly málimet qanshalyqty ras», - degen saýal qoiylǵan bolatyn Ortalyq kommýnikatsiialar qyzmetinde.
«Nur-Sultan qalasyndaǵy birinshi qalalyq emhana boiynsha rasynda sondai jospar bar. Qazirgi tańda qalada 2 435 tósek orny bar. Jańaǵy aýrýhanany qosqannan keiin kólemi 3000-ǵa deiin kóbeiedi. Ózderińiz biletindei, epidemiologiialyq jaǵdai qubylmaly bolǵandyqtan, mundai sheshim qabyldaýǵa májbúr bolyp otyrmyz. Jalpy basqa naýqastardy qazir qalalyq meditsina mekemelerine sala-sala boiynsha, bólimshe-bólimshesimen sol jaqqa bólemiz. Osylaisha shuǵyl jáne josparly kómekti eshqandai toqtapaimyz. Bul sheshim shynymen qiyn sheshim, biraq biz sondai sheshim qabyldadyq», - degen vitse-ministr atalmysh aýrýhanaǵa buǵan deiin túsip qoiǵan naýqastardyń jaiy ne bolatynyn túsindirdi.
«Aýyr halde jatqan naýqastardy tasymaldaý máselesi bir kúnde sheshilmeitin másele. Jazylyp shyqqandardy úilerine jiberip, qalǵandaryn basqa aýrýhanalarǵa aýystyrady», - dedi Marat Shoranov.
