Karantin jariialanýyna bailanysty Nur-Sultan jáne Almaty qalalaryndaǵy Halyqqa qyzmet kórsetý ortalyqtarynyń jumys rejimin ózgertý týraly sheshim qabyldandy, dep habarlaidy "Ult aqparat" QR Tsifrlyq damý, innovatsiialar jáne aeroǵarysh ónerkásibi ministrligi baspasóz qyzmetine silteme jasap.
HQKO kórsetetin qyzmetter sany qysqartylady. Azamattar onlain usynylmaityn qyzmetterdi ǵana ala alady. Osymen birge, elimizdegi barlyq HQKO saǵat 17:00-ge deiin jumys isteitin bolady.
Halyqqa qyzmet kórsetý ortalyqtarynan alýǵa bolatyn qyzmetterdiń qatarynda tólqujat pen jeke kýálik alý, zeinetaqy men ár túrli járdemaqy taǵaiyndaý jáne t.b. bar. HQKO kórsetetin qyzmetterdiń tolyq tizimi qosa berilip otyr.
«Búgingi tańda memlekettik qyzmetterdiń 80%-y avtomattandyrylǵan jáne elektrondyq úkimet portaly arqyly qoljetimdi, sondai-aq qajetti anyqtamalardy eGov Mobile mobildi qosymshasy jáne Telegram-daǵy bot arqyly alýǵa bolady. Memlekettik qyzmetterdi alý barysynda qandai da bir qiyndyqtar men suraqtar týyndaǵan jaǵdaida azamattar 1414 Biryńǵai bailanys ortalyǵyna uialy jáne statsionarly telefonnan habarlasa alady. Qońyraý soǵý tegin. Buryn habarlaǵanymyzdai, QR Tsifrlyq damý, innovatsiialar jáne aeroǵarysh ónerkásibi ministrligi «UAT» AQ, «Azamattarǵa arnalǵan úkimet» KEAQ jáne «Qazaqtelekom» AQ birlesip, QR 1414 Biryńǵai bailanys ortalyǵynyń jumysyn kúsheitti», delingen habarlamada.
Sonymen qatar, ministrlik Halyqqa qyzmet kórsetý ortalyqtaryna adam kóp shoǵyrlanatyndyqtan, azamattarǵa HQKO-ǵa asa qajet bolmasa barmaýǵa keńes beredi.
