Ashat Razdyquly Oralov Nur-Sultan qalasy ákiminiń orynbasary bolyp taǵaiyndaldy, dep habarlaidy "Ult aqparat" ákimdikke silteme jasap.
Ashat Oralov 1990 jyly Pavlodar oblysynda týǵan.
L. N. Gýmilev atyndaǵy Eýraziia ulttyq ýniversitetin, QR SIM Máskeý memlekettik halyqaralyq qatynastar ýniversitetin bitirgen.
Eńbek jolyn 2011 jyly L. N. Gýmilev atyndaǵy Eýraziia Ulttyq Ýniversitetiniń Áleýmettik tárbie jumysy departamenti jastar uiymdarymen jumys jónindegi bóliminiń bas mamany retinde bastady.
Ár jyldary L. N. Gýmilev atyndaǵy Eýraziia ulttyq ýniversitetinde, «Nur Otan» partiiasynyń filialynda, Astana qalasynyń Jastar saiasaty máseleleri basqarmasynda, QR Din isteri jáne azamattyq qoǵam ministrliginde, QR Qoǵamdyq damý ministrliginde jumys istedi.
2019 jyly Pavlodar oblysy ákiminiń orynbasary boldy. 2020 jylǵy shildeden bastap qazirgi ýaqytqa deiin QR Aqparat jáne qoǵamdyq damý vitse-ministri bolyp jumys istedi.
Eske salsaq, búgin QR Úkimetiniń qaýlysymen Ashat Razdyquly Oralov basqa jumysqa aýysýyna bailanysty Qazaqstan Respýblikasynyń aqparat jáne qoǵamdyq damý vitse-ministri qyzmetinen bosatyldy.
Sonymen qatar, Erlan Orynbasasaruly Bekmurzaev «Almaty» aýdanynyń ákimi bolyp taǵaiyndaldy.
