Nur-Sultan áýejaiynda 45 jastaǵy shymkenttik balaǵattap, ózin durys ustamaǵan, dep habarlaidy "Ult aqparat" QR IIM Kóliktegi politsiia departamentiniń baspasóz qyzmetine silteme jasap.
«Osy jyldyń 29 maýsymy Nur-Sultan áýejaiy Jelilik politsiiasynyń bóliminiń kezekshi bólimshesine «Eir-Astana» AQ áýe kompaniiasynyń ókilinen tirkeý taǵynyndaǵy quqyq buzýshy týraly habarlama kelip túsken», - dedi Kóliktegi politsiia departamenti basshysynyń orynbasary Qalijan Qoblandin.
Oqiǵa ornyna patrýldik politsiia jasaǵy keldi. Tekserý barysynda kólik politseileri Shymkent qalasynyń 45 jastaǵy turǵynyn anyqtady, ol ózin durys ustamaǵan, qoǵamdyq orynda balaǵat sóz aitqan.
Er adam Shymkentke ushpaqshy bolǵan. Biraq áýe tasymaldaýshysynyń ókilderi jolaýshyny «Nur-Sultan-Shymkent» baǵyty boiynsha ushatyn áýe reisiniń bortyna jibermedi.
Kezekshi bólimge jetkizilgen kezde quqyq buzýshy politsiia qyzmetkerleriniń zańdy talaptaryna baǵynbaǵan jáne bilik ókilderine qarsylyq kórsetken.
Meditsinalyq kýálandyrýdyń qorytyndysyna sáikes, «orta dárejede» mas bolǵandyǵy anyqtaldy.
«Oǵan qatysty politseiler QR ÁQBtK-niń 440-baby 1-bólimi (Ákimshilik ishimdikterdi ishý nemese qoǵamdyq oryndarqa masań kúide kelý) jáne QR ÁQBtK-niń 667-baby 1-bólimi (Quqyq qorǵaý organy qyzmetkeriniń zańdy ókimine nemese talabyna baǵynbaý) boiynsha ákimshilik hattamalar toltyrdy», - dep qorytty Q. Qoblandin.
Sondai-aq ol quqyq buzýshyǵa mas kúiinde qoǵamdyq oryndarǵa shyqqany úshin 5 AEK kóleminde aiyppul salynǵanyn atap ótti. Odan bólek, usaq buzaqylyq (QR ÁQBtK-niń 343-baby, 1-bólimi boiynsha) úshin úshinshi ákimshilik hattama jasalyp, protsessýaldyq sheshim qabyldaý úshin Shymkenttiń Mamandandyrylǵan aýdanaralyq ákimshilik sotyna jiberilgen.
