Qyzylorda oblysy Syrdariia aýdanyna qarasty Asqar Toqamaǵambetov atyndaǵy aýylda «Asqar Toqmaǵambetov Jer» JShS úleskerleriniń eki toby arasynda olardyń bir bóliginiń seriktestik quramynan shyǵý týraly sheshimge bailanysty janjal týyndaǵan, dep habarlaidy "Ult aqparat".
«Nur Otan» Partiialyq baqylaý komitetiniń deregine súiensek, qazirgi ýaqytta bul daý shielenisip, áleýmettik sipat alǵan. Atap aitqanda úleskerler men kompaniia ókilderi arasynda qaqtyǵystar oryn aldy. Jergilikti atqarýshy organdar tarapynan tiisti sharalar qabyldanbaǵany aityldy.
«Aýdan ákimi, partiia filialynyń tóraǵasy atalǵan máseleni sheshýde áreketsizdik tanytty. Osyǵan bailanysty, shielenisti jaǵdaidyń áli de jalǵasyp jatqanyn jáne tiisti sharalardyń qabyldanbaýyn eskere otyryp, oblystyq partiialyq baqylaý komissiiasy Syrdariia aýdandyq partiia filialynyń tóraǵasy, aýdan ákimi Talǵat Dúisebaevqa eskertý túrinde partiialyq jaza qoldandy», - deidi «Nur Otan» Partiialyq baqylaý komitetiniń tóraǵasy Artýr Platonov.
