1-2 shildede Qaraqalpaqstan Respýblikasynyń astanasy Núkis qalasynda bolǵan tártipsizdikter saldarynan 18 adam qaza tapty, dep habarlady dúisenbi kúni Ózbekstan Bas prokýratýrasynyń bólim prokýrory Abror Mamatov. Bul týraly Sputnik Qazaqstan agenttigi jazdy.
Buǵan deiin 243 adam zardap shegip, 94-i aýrýhanada jatqany týraly habarlanǵan bolatyn.
Sondai-aq eki kúnde 516 adam ustalǵan, olardyń keibiri bosatylǵan.
Aita keteiik, 1 shildede Núkis qalasynda Ózbekstan konstitýtsiiasyna túzetýler engizýge qarsy jappai sherýler ótti. Halyq Qaraqalpaqstandy táýelsizdik alý múmkindiginen aiyratyn ózgeristi qalamaitynyn jetkizdi. Onyń sońy tártipsizdikke ulasty, politsiia jáne qaýipsizdik kúshterimen qaqtyǵys bolyp, qarý qoldanylǵan.
El biligi úshinshi kúshter aralasyp, óńirdegi bilikti basyp alýǵa árekettengeni týraly habarlady.
Ózbekstan prezidenti Shavkat Mirzieev 3 shildeden 2 tamyzǵa deiin Qaraqalpaqstanda tótenshe jaǵdai jariialap, komendanttyq saǵat engizdi.
Jeksenbi kúni Ózbekstan prezidenti tártipsizdikter saldarynan beibit turǵyndar men tártip saqshylary qaza tapqanyn aitty. Selektorlyq keńeste Qaraqalpaqstandaǵy jaǵdai turaqtalǵany aityldy.
