«Novoe vremia» – Pavlodarda shyǵatyn orystildi táýelsiz basylymdardyń biri, quryltaishysy Sergei Striýk degen iri kásipker, redaktory Irina Lebedeva degen jýrnalist.
Áý bastan-aq gazet avtorlarynyń til jáne onomastika saiasattaryna qatysty materialdarynan redaktsiianyń ustanymy aiqyn ańǵarylady. Máselen, «O pereimenovaniiah i «sedalishnom myshlenii» («NV» №26, 30.06. 2005 j.) atty jariialanym avtory «Ný neimetsia pereimenovateliam! Kak býdto svoih, mestnyh i prishlyh, nam malo, vot eshe iz Astany skýchaiýshie damy shliýt pisma «s privetom» — hochý, mol, chtoby Pavlodar nazyvalsia Kereký! Vot hochet ona, i vse!»… degen syqyldy qiiampurys, qisyq sózdermen Pavlodar ataýyna bailanysty pikir bildirgen azamattardy keketip-muqatyp, mysqyldap, ájýalaýǵa beiim ekenin kórsetti. Redaktsiia mundai saiqymazaqtyqpen tynsa bir sári, oqiǵanyń mán-maǵynasyn óz qalaýyna qarai ózgertip, bura tartatyny taǵy bar. Aitalyq, kezinde oblystyń burynǵy ákimi Qanat Bozymbaevqa iri kásiporyndardyń qoldaýymen bir táýelsiz qazaq gazetin ashý jóninde usynys jasaǵan belgili jýrnalist, jazýshy Sailaý Baibosyndy oblys ákimin oblystyq biýdjet esebinen kezekti qazaq gazetin ashpaǵany úshin kústanalaǵan qylyp kórsetti!.. Biraq ile S. Baibosynnyń úzildi-kesildi talap etýimen redaktsiia gazettiń kelesi sanynda álgi jazbany teristeitin maqala basýǵa májbúr boldy. Budan sol jariialanymnyń avtory, gazettiń shtattan tys tilshisi Býlat Sharipov (shyn tegi Kaziev) sabaq alatyn shyǵar dep oilaǵanbyz. Joq, olai bolmady.
«Kogo priglashaiýt v sovetniki» atty jariialanymda («NV» № 28 (1092) 28 shilde, 2016 jyl) Pavlodar oblysy tilderdi damytý jónindegi basqarmasynyń bólim basshysy Erjan Tókenovtyń «Til kerýeni» jobasy qazaq tiliniń aiasyn keńeitýge serpin berdi» atty maqalasyn («Ana tili» gazeti, 8 shilde, 2016 jyl) óz kózqarasyna sáikes talqylaǵan. Máselen, oblystyń jergilikti atqarýshy organdaryndaǵy shyǵys qujattarynyń memlekettik tildegi úlesiniń 99,9 paiyzǵa jetkenine narazylyǵyn bildirip, munysyn Elbasynyń saýaldar qai tilde aitylsa, sol tilde jaýap berilýge tiisti degen sózderimen negizdeýge tyrysypty… Sondai-aq, ótken jyly Qazaqstan Respýblikasy Mádeniet jáne sport ministrliginiń tapsyrysy sheńberinde «Qazaqstannyń bolashaǵy – qazaq tilinde» atty respýblikalyq joba boiynsha Pavlodar oblysyna kelip, orystildi aýditoriialarmen kezdesýler ótkizgen belgili saiasatkerler Dos Kóshim men Aidos Sarymnyń saiasi is-áreketterin, azamattyq ustanymyn barynsha qara boiaýmen kórsetti. Sóitip, «I vot takih liýdei gosýdarstvennye organy priglashaiýt v «sovetniki». I netrýdno predstavit, chto oni mogýt nasovetovat. Pechalno…» dep, maqalasyn qorytyndylaǵan…
Aitpaqshy, ótken jyly jeńistiń 70 jyldyǵyna orai oblys boiynsha 49 kósheniń ataýy ózgertilgen edi. Alaida, Erjan Tókenovtyń jariialanymynda bul kórsetkish Pavlodar qalasy boiynsha delinip, jańsaq jazylyp ketken eken. Býlat Sharipov muny da óz paidasyna jarata qoiypty…
Sóz sońynda aitarymyz, «Novoe vremianyń» bul jolǵy bura tarqanyna tózimdilik tanytý jón be, álde redaktsiia men avtorǵa jaýapkershilik júkteý kerek pe? Qaisysy durys bolar eken?
Arman QANI,
Pavlodar qalasy
