Sinoptikter 11 maýsym kúni el aýmaǵynda aýa raiy qandai bolatynyn aitty, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Qazaqstan territoriiasynyń basym bóliginde atmosferalyq fronttarǵa bailanysty qubylmaly, turaqsyz aýa raiy saqtalady.
Jańbyr jaýady, naizaǵai jarqyldaidy.
Elimizdiń ońtústik-shyǵysynda, taýly aýdandarda qatty jańbyr jaýady.
Respýblikanyń kei jerlerinde daýyl turyp, burshaq jaýady, jel kúsheiedi.
Ońtústik jáne ońtústik-shyǵysta shańdy daýyl soǵady, soltústikte túnde jáne tańerteń tuman bolady.
Jambyl oblysynyń kei jerlerinde shańdy daýyl turady, burshaq jaýady. Jel jyldamdyǵy 23-28 m/s bolady.
Túrkistan oblysynyń kei jerlerinde shańdy daýyl soǵady, jel qarqyny 15-20, kúndiz 25 m/s jetedi. Taýly aýdandarda daýyl bolady.
Almaty oblysynyń kei jerlerinde daýyl, burshaq kútilip, naizaǵai kezinde jel ekpini 25 m/s deiin kúsheiedi.
Aqmola, Batys Qazaqstan, Qaraǵandy oblystarynyń kei jerlerinde burshaq jaýyp, jeldiń kúshi 15-20 m/s jetedi. Qaraǵandy oblysynyń kei jerlerinde daýyl turady.
Soltústik Qazaqstan, Shyǵys Qazaqstan oblystarynyń kei jerlerinde daýyl kóterilip, burshaq jaýady. Kúndiz jel jyldamdyǵy - 25 m/s.
Soltústik Qazaqstan oblysynyń kei jerlerinde túnde jáne tańerteń tuman túsedi.
Aqtóbe, túnde Mańǵystaý, kúndiz Qostanai, Pavlodar oblystarynyń kei jerlerinde jel qarqyny 15-20 m/s deiin kúsheiedi.
Qyzylorda, Túrkistan, Jambyl, Aqtóbe oblystarynyń basym bóliginde, Qaraǵandy, Almaty, Qostanai, Batys Qazaqstan oblystarynyń kei jerlerinde, Aqmola, Pavlodar, Shyǵys Qazaqstan oblystarynyń jekelegen aýdandarynda tótenshe órt qaýpi saqtalady.
