Keshe, 13 mamyr kúni bolǵan nóser jańbyrdyń saldarynan Ózbekstandaǵy birneshe aýdan aýmaǵyn sel basty, dep habarlaidy ÓzA agenttigi.
Atap aitqanda, Tashkent oblysy Bostandyq aýdanynyń birneshe taýly aimaqtarynda ornalasqan eldi mekenderdiń kóshelerin, úilerdiń aýlalaryn sý basyp qaldy. Oqiǵa ornynda 189 qutqarýshy men 26 arnaiy tehnika jumys istep jatyr.
Sondai-aq, Surhandariia oblysynyń Baisyn jáne Altynsai aýdandary aýmaǵyndaǵy Altynsai arnasynyń tasý qaýpine orai ondaǵy 900-dei azamat ýaqytsha evakýatsiialandy jáne kólik qatynasy ýaqytsha toqtatylǵan. Tasqyn saldaryn joiýǵa 150-den astam qyzmetker, sonymen qatar 20-ǵa jýyq tehnika tartyldy.
Mundai jaǵdai Naýai oblysy Zarafshan, Nurata aýdandarynda da baiqalǵan. Munda 300-dei azamat 9 avtokólik jáne 70 jeke quramnyń kómegimen qaýipti aimaqtan kóshirildi.
Oblystyq TJM habarlaýynsha, adam shyǵyny bolmaǵan.
