Elimizdiń Norvegiiadaǵy elshiligi Skandinav elin azat etý jolynda mert bolǵan 66 qazaqstandyq sarbazdyń esimin anyqtady, dep habarlaidy "Ult aqparat" Qazaqstan ulttyq arnasyna silteme jasap.
Olar birneshe atqyshtar diviziiasynyń jáne 69, 72-teńiz atqyshtar brigadasynyń quramynda soǵysyp, Petsamo-Kirkenes operatsiiasynda ajal qushqan.
Sondai-aq diplomattar Soltústik flottaǵy shaiqas kezinde erlikpen qaza tapqan 10 qazaqstandyq teńiz jaiaý áskeri, joiǵysh-ushqyshtyń jerlengen jerin tapty.
Jalpy, Norvegiiany fashisterden qorǵaý kezinde 13 myń Keńes jaýyngeri mert bolǵan. Oslodaǵy ziratta batyrlardyń qurmetine arnaiy eskertkish qoiylǵan.
Sol eskertkishke kóppen birge Qazaqstannyń Norvegiiadaǵy elshisi Erkin Ahynjanov ta gúl shoqtaryn qoiyp, batyrlardyń rýhyna taǵzym etti.
Elshilik ujymy Norvegiiadaǵy shaiqasta, tutqyndar lagerinde qaza bolǵan jerlesterimizdiń esimin anyqtaý jumystaryn jalǵastyra bermek.
