Toqaev Keniia Prezidentine Qazaqstannyń joǵary marapatyn tapsyrdy Toqaev Keniia Prezidentine Qazaqstannyń joǵary marapatyn tapsyrdy Shahtadaǵy tragediia: zańsyz jumys saldarynan eki er adam kóz jumdy Shahtadaǵy tragediia: zańsyz jumys saldarynan eki er adam kóz jumdy
Ózekti

Noǵaev: Saraishyq qalasynyń 620 gektary jeke menshikte

Ult portaly
Noǵaev: Saraishyq qalasynyń 620 gektary jeke menshikte

Ótken demalys kúnderi Atyraý qalasynda ótken Jer reformasy boiynsha qoǵamdyq komissiiasynyń kezekti otyrysynda oblys ákimi Nurlan Noǵaev aimaqtaǵy jer máselesine qatysty keibir suraqtarǵa jaýap berdi. Sonyń ishinde ejelgi Saraishyq qalasynyń territoriiasy da bar. Ákimniń aitýynsha, ol jer jeke menshiktiń qolynda. Kásipker ol jerde emdik shópterdi ósirýdi kózdeidi, dep xabarlaidy Baq.kz tilshisi.

 «Jiynnyń basynda Taijan myrza (komissiia múshesi Muhtar Taijan – avt.) biraz suraqtar qoiǵan bolatyn. Soǵan jaýap bereiin. «Saraishyqtaǵy 620 gektar jer nege basqalarǵa beriledi?» degen suraq boldy. Ol 620 gektar jer qazaqstandyq azamat Mirzoev degenniń jeke menshiginde. Ol jerdi 2005 jyly alǵan. Qazirgi tańda sol jerde 170 gektar dekorativti aǵash egedi ol. Úieńki, terek, iva egilip jatyr. 40 gektar jerge bir jyldyq mal azyǵy daqyldaryn, shópter egedi. Aldaǵy ýaqytta 100 gektarǵa alma baǵyn egý josparlanýda. Jáne sol jerde meditsina baǵytynda emdik shópter egý josparlanýda. Sebebi ol kisi mynaý Atyraýdyń túbinde farmatsevtikalyq fabrikanyń qurylysy júrip jatyr. Quny – 7 mlrd. 400 mln. teńge. Sonyń quryltaishylarynyń biri. Sol jerde ekken ósimdikterin sol fabrikada qoldanady», — dedi N.Noǵaev.

Aimaq basshysynyń sózine qaraǵanda, kezinde Baqtyqoja Salahatdinulynyń (Atyraý oblysynyń burynǵy ákimi – avt.) tapsyrmasymen Saraishyqtyń bir jarym kilometrin bekitý boiynsha jobalyq-smetalyq qujattama daiyndalǵan bolatyn. Jobanyń jalpy quny — 1 mlrd. 600 mln. teńge. Búginde ol aqshanyń 100 mln. teńgesi bólinip, konkýrstyq protsedýralar ótip jatyr. Kelesi jyly atalǵan jumystardy aiaqtaý josparlanyp otyr. Sondai-aq N.Noǵaev Taisoǵan poligonynyń jeri jaiynda aityp berdi.

«Taisoǵan poligonynyń aýmaǵy 750 myń gektar bolǵan. Qazaqstan úkimetiniń júrgizgen kelissózderdiń nátijesinde qazirgi tańda 625 myń gektar jer qaitaryldy. Qazir qalǵany – 125 myń gektar. Sol Resei Federatsiiasy men Qazaqstan Respýblikasy arasyndaǵy memlekettik kelisimshartyń negizinde qoldanylyp jatyr», — dep atap kórsetti ol.

Aita keteiik, komissiianyń búgingi otyrysy barysynda ekonomikalyq toptyń jetekshisi A.Kúrishbaev jerdi jalǵa berýdiń demokratiialyq sharttaryn jariialady. Taǵy bir toptyń jetekshisi Muhtar Taijan bir adamǵa beriletin jerdiń kólemine shekteý ornatylatynyn, halyqtyń jerdi satýǵa qatysty komissiianyń árbir múshesi qandai daýys bergeninbilýi kerektigin jetkizdi. Al senatory Qýanysh Aithanaovtyń oiynsha, Atyraý oblysynda 10 sotyq jer máselesin bir-eki jylda sheship tastaýǵa ábden bolady. Prezident N.Nazarbaev Úkimet basshysy Kárim Másimovty qabyldap, jer reformasy boiynsha respýblikalyq komissiianyń jumys nátijesin usynýdy tapsyrdy. Osy jáne basqa da máseleler tamyzdyń sońynda ótetin Úkimettiń keńeitilgen májilisinde qaralmaq.

Oqi otyryńyz