1984 jyly beibitshilik salasyndaǵy Nobel syilyǵyn alǵan arhiepiskop Desmont Týtý 91 jasynda Keiptaýn gospitalinde qaitys boldy. Bul jóninde Ońtústik Afrika respýblikasynyń prezidenti Siril Ramafosa habarlady.
"Ultymyz azat Ońtústik Afrikany amanatqa qaldyrǵan uly qairatkermen qoshtasady" deidi prezident resmi saitynda.
Týtý — 1940-1994 jyldar aralyǵynda Ońtústik Afrikada ornaǵan azshylyq aq násildiler biliginiń rejimimen kúreste aty shyqqan qairatker. Iohannesbýrgte pedagogikany oqyǵan ol mektepte muǵalim bolyp jumys istegen.
1960 jyly din jolyna túsip, 1978 jyldan Ońtústik Afrika shirkeýleri keńesiniń bas hatshysy qyzmetin atqarǵan.
