Belgili jazýshy Nesipbek Dáýtaiuly ómirden ótti, dep habarlaidy "Ult aqparat".
Qaraly habardy aqyn Maraltai Raiymbekuly áleýmettik jelide estirtti.
"Nesipbek aǵam qaitypty...
Qazaǵyma kóńil aitam!", - dep jazba qaldyrǵan aqyn.
Qaza týraly jazýshy Beibit Sarybai da áserli jazba jariialady.
Nesipbek Dáýtaiuly 1947 jyly 30 aqpanda Jambyl oblysy Qordai aýdany Kirov atyndaǵy kolhozda (qazirgi Kenen aýyly) ómirge kelgen. Qazaq memlekettik ýniversitetiniń túlegi.
Eńbek jolyn 1972-1980 jyldary aýdandyq «Qordai» gazetinde tilshi, bólim meńgerýshisi, jaýapty hatshy retinde bastady.
Keiin Jambyl oblystyq gazetinde menshikti tilshi bolǵan.
Sońǵy jyldary «Jambyl» ádebi-kópshilik jýrnalynyń bas redaktory, Qazaqstan Jazýshylar odaǵy Jambyl oblystyq filialynyń direktory bolyp jumys istedi.
Ǵ.Mustafinniń 100 jyldyǵyna arnalǵan ádebi báigeniń, Halyqaralyq «Daraboz» ádebi báigesiniń jeńimpazy.
QR Táýelsizdigi jáne Astananyń 10 jyldyǵyna arnalǵan medaldarmen marapattalǵan.
QR Ulttyq kitaphanasy ótkizgen «Eń úzdik roman» baiqaýynda «Qudiret pen qasiret» romany júldege ie bolǵan.
Halyqaralyq «Alash» ádebi syilyǵynyń laýreaty.
Jazýshynyń artynda oqyrmanǵa mura bolyp «Aq kógershin», «Alma aǵashynyń butaǵy», «Ánim sen ediń» atty povesteri, «Qudiret pen Qasiret» romany, «Kógildir kóilekti kelinshek», «Oiyndy eti on bólek», II tomdyq tańdama shyǵarmalar jinaǵy, «Aty joq áńgime», «Kisi iesi» siiaqty kitaptary qaldy.
Kózi tirisinde bir top shyǵarmasy «Jol» degen atpen túrik tilinde jaryq kórdi.
Osy oraida, Ult portalynyń ujymy qazaq jurtyna, onyń ishinde ádebietsúier qaýymǵa qadirli bolǵan asa kórnekti qalamgerdiń mezgilsiz dúnieden ozýyna bailanysty onyń otbasy men týǵan-týystaryna qaiǵyryp kóńil aitady.
Marqumnyń jatqan jeri jaily, topyraǵy torqa bolsyn. Peiishte nury shalqyp, Jaratqan artyndaǵy urpaǵyna uzaq ǵumyr bersin!
