Foto: soyle.kz
Mádeniet jáne aqparat ministri Aida Balaeva otbasy saiasatyna erekshe mán beriletinin aitty, dep habarlaidy Ult.kz.
Jańa Konstitýtsiia qabyldanǵannan keiin 5 jańa jáne qoldanystaǵy 8 konstitýtsiialyq zańǵa, sondai-aq 60-tan astam zańǵa, onyń ishinde negizgi kodeksterge ózgerister engiziletin bolady. Sol 60 zańnyń 20-sy azamattyq qoǵamdy damytýǵa baǵyttalmaq.
Sonymen qatar, mádeniet jáne aqparat ministrligine qarasty salalarda — mádeniet, aqparat, BAQ, arhiv isi, memlekettik rámizderdi paidalaný, memleket pen azamattyq qoǵamnyń ózara bailanysy, din, jastar jáne otbasy saiasaty retteitin 20-dan astam zańnamalyq aktige ózgerister engizý josparlanyp otyr.
Aida Balaeva atap ótkendei:
«Berik otbasy qýatty qoǵamnyń irgetasy. Konstitýtsiiada neke men otbasyny, ana men ákeni, balalardy qorǵaý qaǵidaty bekitilgen. Osyǵan bailanysty memlekettik organdarmen birlesip, zańnamany, sonyń ishinde «Neke jáne otbasy týraly» kodeksti jetildirý boiynsha usynystar pysyqtalyp jatyr».
Ministrdiń aitýynsha, BAQ salasyndaǵy zańnamany jetildirý jumystary jalǵasady. Bul sóz erkindigin kúsheitip, tsenzýraǵa jol bermeý, azamattardyń aqparat alý jáne taratý quqyǵyn naqty ári jan-jaqty qorǵaý maqsatynda júrgiziletin sharalar.
