Nursultan Nazarbaev halyqaralyq áýejaiy pandemiiaǵa deiingi áýe bailanystaryn qaita jandandyryp, 14 elmen reisterdi qalpyna keltirdi, dep habarlaidy "Ult aqparat".
Bul týraly Azamattyq aviatsiia komitetiniń tóraǵasy Talǵat Lastaev áýejaidyń 90 jyldyq mereitoiyna arnalǵan aaviatorlar alliasynyń ashylý saltanatynda aitty.
«Ókinishke qarai azamattyq aviatsiia pandemiiaǵa bailanysty eń kóp zardap shekken salalardyń biri boldy. Biraq osy jyldyń basynan beri ushýlar qalpyna kelip, negizgi kórsetkishterde azdaǵan ósim baiqalyp otyr. Jyl basynan beri reister sany 47 paiyzǵa jetip, 2,5 mln adamdy qamtydy. Áýejaidyń qyzmet kórsetetin jolaýshylar sany 39 paiyzǵa nemese 4,6 mln adamǵa artty. Búgingi tańda búkil Qazaqstan boinysha ishki reister tolyq jandandy, - degen komitet basshysy halyqaralyq reisterdiń jaiy týraly da málimet berdi.
«Halyqaralyq reister týraly aitsaq, 14 elmen bailanys bar. Onyń ishinde Túrkiia, Birikken Arab Ámirlikteri, Ózbekstan, Resei, Qyrǵyzstan, Belarýs, Ýkarina, Germaniia, Grýziia, Tájikstan, Ońtústik Koreia, Egipet, Nidarland jáne Chernogoriia bar. Búgingi tańda komissiia qosymsha sheshim shyǵardy. Túrkiia baǵytynda Antaliiaǵa baratyn reisti kóbeitemiz. Sondai-aq, Ýkraina men Tájikstanǵa qatynaityn reisterdi kóbeitý boiynsha jumys istep jatyrmyz», - dedi Talǵat Lastaev.
Buǵan deiin habarlaǵanymyzdai, búgin elordada aviatorlar alleiasy ashyldy.
