Foto: QR MAM
Bul kúni Qazaqstan Respýblikasynyń Ulttyq ortalyq mýzeiinde «Uly dala oiyndary: tarih pen dástúr» atty kórme ótedi, dep habarlaidy Ult.kz.
Kórmede ulttyq oiyndardyń tarihy men halyq ómirindegi orny kórsetiledi. «Meniń Qazaqstanym» ortalyǵynda mektep oqýshylary arasynda «Ulttyq oiyn – ult qazynasy» atty týrnir ótedi. Sonymen qatar Roza Baǵlanova atyndaǵy «Qazaqkontsertte» «Bizdiń jármeńke» kontserti, Jambyl atyndaǵy Qazaq memlekettik akademiialyq filarmoniiasynda «Áz-Naýryz!» kontserti, al Ǵabit Músirepov atyndaǵy qazaq memlekettik akademiialyq balalar men jasóspirimder teatrynda «Qosh keldiń, Áz-Naýryz» balalar qoiylymy usynylady.
Astanada «Uly dala oiyndary» atty sporttyq estafeta ótse, «Arǵymaq» at-sport kesheninde ulttyq sport túrlerin tamashalaýǵa bolady. Sondai-aq zamanaýi tehnologiia elementteri engizilgen jarystar ótedi.
Almatyda toǵyzqumalaq, asyq atý jáne basqa da dástúrli sport túrlerinen týrnirler josparlanǵan. Shymkent qalasynda ippodromda aýdaryspaq, qyz qýý, báige jáne kúsh synasý jarystary uiymdastyrylady.
El óńirlerinde de ulttyq oiyndardy jas urpaqqa nasihattaýǵa baǵyttalǵan jarystar, kórsetilimder men sporttyq aktsiialary ótedi.
