Foto: QR MAM
21 naýryz elimizde Yntymaq kúni retinde atap ótiledi. Bul kún qoǵamdaǵy birlik, tatýlyq jáne ózara syilastyq qundylyqtaryn nasihattaýǵa arnalǵan, dep habarlaidy Ult.kz.
Búgin respýblikada túrli mádeni is-sharalar ótedi. Atap aitsaq, EXPO halyqaralyq kórme ortalyǵynyń alańynda Naýryz meiramyna arnalǵan kontsert uiymdastyrylady. Almaty qalasynda Nataliia Sats atyndaǵy Memlekettik akademiialyq orys balalar men jasóspirimder teatry «Ýra! Naýryz! Kanikýly» festivalin ótkizip, teatr repertýaryndaǵy spektaklderdiń kórsetilimin usynady.
Elordada qalanyń birqatar alańdarynda «Naýryz – bereke bastaýy» atty kontserttik baǵdarlamalar, kópshilikke arnalǵan, etnomádeni is-sharalar men interaktivti jobalar ótedi. Almatyda merekelik kontsertter, festivalder uiymdastyrylady.
Shymkent qalasyndaǵy «Astana» alańynda jáne qalalyq saiabaqtarda «Ulystyń uly kúni – Naýryz» merekesi, gastronomiialyq festival, «Nauryz AI» IT is-sharasy, sondai-aq gala-kontsert ótedi.
El óńirlerinde de kontsertter, qoiylymdar, festivalder, qoǵamdyq aktsiialar josparlanǵan. Bul is-sharalar turǵyndardy dostyq, tatýlyq pen ózara syilastyqty nasihattaý maqsatynda uiymdastyrylmaq.
