Foto: Qazaqsport.tv
14-23 naýryz kúnderi Naýryznama onkúndigi aiasynda respýblika boiynsha 747 sporttyq-buqaralyq is-shara ótkizý josparlanǵan, dep habarlaidy Ult.kz.
Merekelik jarystarǵa shamamen 150 myń adam qatysady dep kútilýde. Is-sharalar barlyq óńirdi qamtyp, aýyldyq okrýgterden bastap aýdan, qala jáne oblys ortalyqtaryna deiin ótkiziledi.
Baǵdarlamaǵa negizinen qazaq halqynyń dástúrleri men mádeni murasyn dáripteitin ulttyq sport túrleri engizilgen. Atap aitqanda, qazaq kúresi, asyq atý, jamby atý, toǵyzqumalaq, sadaq atý, qusbegilik, aýdaryspaq, kókpar, teńge ilý jarystary josparlanǵan.
Sonymen qatar meiram aiasynda halyq oiyndary men sport jarystary da ótkiziledi. Olardyń ishinde: qoi kóterý, jilik syndyrý, láńgi tebý, arqan tartý, alyptar saiysy syndy dástúrli oiyndar bar. Budan bólek, shaǵyn fýtbol, voleibol, ústel tennisi jáne dziýdo týrnirleri de uiymdastyrylady.
Eń kóp sporttyq is-sharalar birneshe óńirde josparlanǵan, bul halyqtyń Naýryzdy belsendi atap ótip, qatysý deńgeiiniń joǵary ekenin kórsetedi.
Óńirler boiynsha sporttyq-buqaralyq is-sharalar sany:
• Abai oblysy – 6
• Aqtóbe oblysy – 11
• Aqmola oblysy – 88
• Almaty oblysy – 40
• Atyraý oblysy – 7
• Shyǵys Qazaqstan oblysy – 19
• Almaty qalasy – 21
• Astana qalasy – 10
• Shymkent qalasy – 22
• Jambyl oblysy – 48
• Jetisý oblysy – 82
• Batys Qazaqstan oblysy – 12
• Qaraǵandy oblysy – 22
• Qostanai oblysy – 77
• Qyzylorda oblysy – 13
• Mańǵystaý oblysy – 88
• Pavlodar oblysy – 80
• Soltústik Qazaqstan oblysy – 18
• Túrkistan oblysy – 65
• Ulytaý oblysy – 18
Naýryznama aiasynda ótkiziletin sporttyq is-sharalar salamatty ómir saltyn nasihattaýǵa, ulttyq sport túrlerin damytýǵa jáne qoǵamdyq birlikti nyǵaitýǵa baǵyttalǵan. Merekelik jarystar dástúrli túrde kóp qatysýshy men kórermendi jinap, kóktemgi jańarý men birlik merekesiniń mańyzdy bóligine ainalady.
