Foto: gov.kz
Almaty oblysynda áleýmettik jelide qazaqtarda Naýryz meiramy bolmaǵanyn, musylmandar ony toilai almaitynyn aityp video jariialaǵan er adam ustaldy, dep habarlaidy Ult.kz.
Ishki ister ministrliginiń málimetinshe, 1991 jyly týǵan azamatqa qatysty dini alaýyzdyqty qozdyrý faktisi boiynsha qylmystyq is qozǵaldy. Video avtory TikTok-ta:
“Qazaqta eshqashan ondai meiram bolmaǵan. Naýryz – parsylardan kelgen. Eger musylmanmyn deseń, bul merekelerdi toilaýǵa bolmaidy” – dep aitqan.
Jedel is-sharalar nátijesinde azamat ýaqytsha ustaý izoliatoryna qamaldy. Qazir tergeý áreketteri júrgizilip jatyr, ózge aqparat jariia etilmeidi.
Aita keteiik, Qylmystyq kodekstiń 174-baby 2-bóligine sáikes, dini alaýyzdyqty qozdyrý qoǵamdyq pikir kóshbasshysy tarapynan jasalǵan jaǵdaida 5 jyldan 10 jylǵa deiin bas bostandyǵynan aiyrýǵa ákep soǵýy múmkin.
