Foto: Kólik ministrligi
Naýryz meiramyn merekeleý kezeńinde halyqtyń temirjol tasymaldaryna degen joǵary suranysyn qanaǵattandyrý maqsatynda qosymsha poiyzdar taǵaiyndalyp, eń suranysqa ie baǵyttarda oryn sany arttyrylatyn bolady, dep habarlaidy Ult.kz.
Atap aitqanda, standartty jolaýshylar vagondarynan quralǵan 22 reiske 3 qosymsha poiyz taǵaiyndaldy:
- • №201/202 «Almaty-2 – Astana-1»;
- • №204/203 «Nurly jol – Shymkent»;
- • №205/206 «Aqtóbe – Nurly jol».
Sonymen qatar, jolaýshylar aǵyny joǵary baǵyttar boiynsha qoldanystaǵy poiyzdarǵa qosymsha 230 tirkemeli vagon qosyldy.
Qala mańy tasymaldary jelisi boiynsha Astana – Pavlodar, Shý – Taraz, Astana – Atbasar, Astana – Kýrort-Býrabai, sondai-aq Qaraǵandy – Balqash baǵyttary boiynsha 11 qosymsha reis uiymdastyryldy jáne Qaraǵandy – Balqash baǵytyna 6 tirkemeli vagon qosý qarastyrylǵan.
Jalpy Naýryz meiramy kúnderi jolaýshylar úshin qosymsha shamamen 45 myń oryn usynylatyn bolady.
Sonymen qatar, elimizdiń birqatar temirjol vokzaldarynda shaǵyn merekelik is-sharalar ótkizý josparlanýda, onyń ishinde jolaýshylarǵa dástúrli ulttyq taǵamdar usyný, taqyryptyq fotozonalar ornatý jáne mádeni qoiylymdar uiymdastyrý qarastyrylǵan, bul Naýryzdy merekeleý kúnderi jolaýshylarǵa merekelik kóńil-kúi syilaýǵa múmkindik beredi.
