Foto: bilimdiel.kz
20 naýryz kúni saǵat 11:00-de Naýryz meiramyna orai barlyq mektepterde respýblikalyq chellendj ótedi, dep habarlaidy Ult.kz QR Oqý-aǵartý ministrligine silteme jasap.
Sharanyń maqsaty – óskeleń urpaqtyń boiynda rýhani-adamgershilik qundylyqtaryn qalyptastyrý, patriotizmdi nyǵaitý, ulttyq mádeni murany saqtaý jáne balalar arasynda dombyra ónerin nasihattaý.
«Dombyrashylar chellendji – bul balalar, jastar, pedagogter men ata-analardyń mýzykalyq sheberligin tanytatyn jáne búkil eldi dombyra únimen biriktiretin erekshe shara. Oǵan barlyq tilek bildirýshi qatysa alady. 2023 jyldan bastap chellendj barlyq bilim berý uiymdarynda uiymdastyrylyp keledi jáne ol mańyzdy mádeni oqiǵaǵa ainaldy. Chellendj «Birtutas tárbie» baǵdarlamasy men «Naýryznama» is-sharalar jospary aiasynda uiymdastyrylady», - deidi tárbie jumysy jáne qosymsha bilim berý departamentiniń direktory Erlan Qalmaqov.
Aita keteiik, Naýryz meiramyn merekeleý 14-23 naýryz aralyǵynda elimizdiń barlyq mektepterinde ótedi. Bul kúnderi taqyryptyq chellendjder, ekologiialyq aktsiialar jáne ulttyq oiyndar boiynsha jarystar uiymdastyrylady.
