Amerikanyń NASA ulttyq ǵarysh basqarmasy James Webb teleskobyn ǵaryshqa jiberdi. Teleskopty Frantsiialyq Gvianadaǵy Kýrý poligonynan ushyrdy.
Ǵaryshty infraqyzyl jáne optika diapazonynda zertteitin apparat galaktikadaǵy ózgeristerdi bilýge múmkindik beredi. Munan ózge James Webb alystaǵy planetalardyń atmosferasyn zertteidi. Osy arqyly alystaǵy planetalarda tirshilik bar ma, joq pa degen ǵalymdar zertteýine septesedi.
Teleskop tórt apta ishinde jerden bir jarym million shaqyrym qashyqtaǵy Lagranjanyń ekinshi núktesine qarai jyljidy. Odan keiin birneshe ai priborlardy ornalastyrý satysynan ótedi, shamamen bir jarym jyldan soń alǵashqy sýretterdi jibere bastaidy.
30 jyl boiy jasalǵan appparatqa NASA 10 milliard dollar jumsaǵan. Bul - alǵashqy esepten 20 ese kóp. Teleskop Project Apollo ai baǵdarlamasy jetekshisiniń kurmetine atalǵan. James Webb ózine deiingi Hubble teleskobyn almastyrady. Jańa apparatty 2007 jyly ushyrmaq bolǵanymen birneshe ret keiinge qalǵan.
