Foto: elements.envato.com
Mysyrdyń Hýrgada kýrortynda akýla avstriialyq týristke shabýyl jasady. Bul týraly 1 shildede Reseidiń Hýrgadadaǵy bas konsýldyǵy málimdedi, - dep habarlaidy Tengrinews.kz agenttigi RIA Novosti portalyna silteme jasap.
Oqiǵa Sahl Hashish aýdanynda bolǵan.
"Sahl Hashish aimaǵynda akýla onyń qoly men aiaǵyn tistep aldy", - deidi vedomstvo ókilderi.
Kýágerler túsirgen kadrlarda jábirlenýshi jaǵalaýǵa qalai júzýge talpynyp jatqanyn kórýge bolady. Al ainalasyndaǵy sý qyzǵylt túske boialǵan.
Týrist aýrýhanaǵa jetkizildi. Keiinirek agenttiktiń derekkózi áiel jaraqattan qaitys bolǵanyn habarlady.
Bolǵan jaǵdaiǵa bailanysty Sahl Hashish aýdanynan Makadi Bei shyǵanaǵyna deiin úsh kún boiy shomylýǵa, daivingke, balyq aýlaýǵa jáne snorklingke tyiym salyndy.
REN TV málimetinshe, aty atalmaǵan meditsinalyq derekkózge sensek, Avstriianyń qaitys bolǵan azamaty 68 jasta bolǵan. Ol mysyrlyqqa turmysqa shyǵyp, onymen birge osy elde turǵan.
