Foto: Reuters
Mianmada bolǵan joiqyn jer silkinisinen 1000-nan astam adam qaza tapty. BBC habarlaýynsha, eldiń áskeri biligi qaza tapqandar sany 1002-ge jetkenin, al zardap shekkender sany 2376-ǵa jetkenin málimdedi.
Qutqarýshylar úiindilerdi tazartý barysynda qurbandar sany áli de ósýi múmkin ekenin aitady. Qytai, Úndistan jáne Resei Mianmaǵa meditsinalyq kómek pen qutqarý toptaryn jóneltti.
28 naýryz, juma kúni, jergilikti ýaqyt boiynsha tústen keiin kúshi 7,7 jáne 6,4 baldyq eki jer silkinisi tirkeldi.
Jer silkinisiniń tolqyny Qytai men Tailandta da sezilip, Bangkokta aiaqtalmaǵan ǵimarat qulap, ondaǵan adam qirandylar astynda qalǵan bolýy múmkin degen boljam jasaldy.
Buǵan deiin Mianmada tótenshe jaǵdai jariialanǵan bolatyn. Eýropalyq Odaq zardap shekkenderge kómek retinde 2,5 million eýro bóldi.
