Búgin Nur Otan»-nyń Otbasy, áielder jáne balalar quqyǵyn qorǵaý máseleleri jónindegi respýblikalyq qoǵamdyq keńesiniń otyrysynda múmkindigi shekteýli balalar úshin mektepter men balabaqshalarda tiisti jaǵdai jasaý, kámeletke tolmaǵandardy býllingten qorǵaý, sýitsidtiń aldyn alý jáne sailaýaldy ýádelerdi oryndaý máseleleri talqylandy. Talqylaý nátijesinde óńirlerde Otbasy isteri basqarmalaryn qurý usynyldy, - dep habarlaidy «Ult aqparat».
Statistikaǵa súiensek, elimizde erekshe bilim berilýine qajettiligi bar 160 myńǵa jýyq kámeletke tolmaǵan bala bar, onyń 108 myńy – qalalarda, 53 myńy – aýyldarda eken. Sonymen qatar, osyndai balalarǵa elimizdegi balabaqshalardyń 60,8%-ynda jáne mektepterdiń 79,4%-ynda jaǵdai jasalǵan. 348 inkliýziiany qoldaý kabinetteri jumys isteidi, erekshe balalarmen jumys isteý úshin 36 myńnan astam pedagog biliktilik arttyrýdan ótken.
«Biz osy jyly inkliýziia jaǵdailary jasaldy dep Bilim ministrligi usynǵan mekemelerdiń tizimin zerttedik. Onda erekshe bilim berý qajettilikteri bar balalar birneshe jyldan beri bilim alyp kele jatqan mektepter men kolledjder kórsetilgen. Sonymen qatar, olarda biyl eshqandai pedagogtardy qosymsha oqytý jáne olardyń materialdyq-tehnikalyq bazasyn jaqsartý jumystary júrgizilmegen. Ekinshiden, arnaiy kabinetter buryn ashylǵan nemese endi ashylyp jatqan mektepterde kedergisiz orta jasalmaidy. Mysaly, erekshe bilim berý qajettilikteri bar 77 bala oqityn elordalyq mektepte lift joq, arbadaǵy balalardy bir qabattan ekinshisine kóterip aparýǵa týra keledi. Úshinshiden, tizimde tek 1-4 synyp aralyǵyndaǵy balalardy qamtityn inkliýziiany qoldaý synyptary jumys isteitin mektepter kórsetilgen. 11-synypqa deiingi balalardy oqytý úshin kadrlar daiarlaý qamtamasyz etilmegen», - dedi Keńes tóraǵasy, Májilis depýtaty Dinara Zakieva.
Onyń aitýynsha, bilim berý mekemesinde inkliýziiany qoldaý kabinetin ashqanmen, ol jerde balalarǵa qanshalyqty jaǵdai jasalyp, kedergisiz orta qurylǵandyǵyna eshkim nazar aýdarmaidy.
Sonymen qatar, atalǵan jiynǵa Ishki ister vitse-ministri Qairat Súntaev ta qatysyp, balalar sýitsidi máselesin kóterdi. Onyń aitýynsha, osy jyldyń 5 aiynda kámeletke tolmaǵandar arasynda 84 ózin-ózi óltirý jáne 164 soǵan áreket jasaý faktisi tirkelgen.
«Negizinen mundai faktiler tolyq emes jáne áleýmettik jaǵdaiy tómen otbasylarda tirkeledi. Sondai-aq, týyndaǵan janjaldar, balalarǵa qatysty zorlyq-zombylyq kesirinen de oryn alady. Bul jaǵdaiǵa virtýaldy keńistiktiń áserin bólek qarastyrǵan jón. Ministrlik Internettiń qazaqstandyq segmentine turaqty túrde monitoring júrgizedi. Biyl zorlyq-zombylyqty nasihattaǵany úshin 5 myńnan astam, al byltyr 10 myńnan astam sheteldik internet-resýrs buǵattaldy», - dedi ol.
Balalar arasynda sýitsidti boldyrmaý maqsatynda aldyn alýdyń biryńǵai ádistemesin engizgen jón. Ol úshin ómirlik qiyn jaǵdaiǵa tap bolǵan kámeletke tolmaǵandar men olardyń otbasylary ýaqtyly kómek alýy kerek deidi Keńes músheleri. Olardyń pikirinshe, kámeletke tolmaǵandardyń isteri jónindegi komissiialardyń jumysyn kúsheitý qajet.
Osylaisha, atalǵan tyńdaýda depýtat Dinara Zakieva otbasy isteri basqarmasyn qurý qajet ekenin atap ótti. Osyǵan bailanysty keńes óńirlerge osy jumystyń barlyǵyn úilestiretin, otbasylarǵa júieli kómek kórsetý, otbasy institýtyn nyǵaitý jáne, tiisinshe, balanyń ál-aýqatyn qamtamasyz etý úshin ózara is-qimyl jasaityn basqarma qurý boiynsha jumys isteýdi surady.
Esterińizge sala keteiik, búgin Nur Otan»-nyń Otbasy, áielder jáne balalar quqyǵyn qorǵaý máseleleri jónindegi respýblikalyq qoǵamdyq keńesiniń otyrysynda múmkindigi shekteýli balalar úshin mektepter men balabaqshalarda tiisti jaǵdai jasaý, kámeletke tolmaǵandardy býllingten qorǵaý, sýitsidtiń aldyn alý jáne sailaýaldy ýádelerdi oryndaý máseleleri talqylandy. Talqylaý nátijesinde óńirlerde Otbasy isteri basqarmalaryn qurý usynyldy.
Statistikaǵa súiensek, elimizde erekshe bilim berilýine qajettiligi bar 160 myńǵa jýyq kámeletke tolmaǵan bala bar, onyń 108 myńy – qalalarda, 53 myńy – aýyldarda eken. Sonymen qatar, osyndai balalarǵa elimizdegi balabaqshalardyń 60,8%-ynda jáne mektepterdiń 79,4%-ynda jaǵdai jasalǵan. 348 inkliýziiany qoldaý kabinetteri jumys isteidi, erekshe balalarmen jumys isteý úshin 36 myńnan astam pedagog biliktilik arttyrýdan ótken.
