Foto: Videodan skrinshot
11 naýryz kúni Pavlodar qalasyndaǵy Qamzin kóshesinde ornalasqan turǵyn úidiń podezinde belgisiz er adam zeinetker áieldiń azyq-túlik pen ámiiany bar sómkesin tartyp almaq bolǵan, alaida qariia barynsha qorǵanyp, tonaý áreketi sátsiz aiaqtaldy, dep habarlaidy Ult.kz.
Aldymen ol qart áielge lift ishinde shabýyl jasap, keiin dáliz boiymen súirep áketken. Alaida áiel sómkesine "kenedei jabysyp" qysyp ustap, qaraqshyǵa zattaryn bermei qoiǵan. Sonyń saldarynan er adam eshteńe ala almai, qashyp ketken.
Foto: Videodan skrinshot
Politsiia qyzmetkerleri beinebaqylaý kameralary arqyly kúdiktiniń jeke basyn jedel anyqtady. Ol buryn sottalǵan Ekibastuz qalasynyń turǵyny bolyp shyqty. Kúdikti ustalyp, ýaqytsha ustaý izoliatoryna qamaldy.
Atalǵan derek boiynsha qylmystyq is qozǵaldy. Ustalǵan adamnyń basqa da qylmystarǵa qatysy bar-joǵy tekserilip jatyr.
