Múgedekterdiń jumyspen qamtylýy olarǵa materialdyq qajettilik qana emes, sondai-aq qoǵammen bailanysý, áleýmettik ortaǵa beiimdelý turǵysynan da mańyzdy. Qazaqstanda múgedekterdi jumyspen qamtýǵa memleket qanshalyqty nazar aýdaryp otyrǵanyn sandar men kórsetkishter arqyly bilýge bolady.
Jumys oryndaryn kvotalaý sheńberinde ústimizdegi jyly 8 myńnan asa adam jumysqa ornalasqan.
Ótken jylǵy kórsetkish boiynsha Qazaqstanda shamamen 752 myń múmkindigi shekteýli adam bar bolsa, olardyń 413,7 myńy eńbekke qabiletti eken. Eńbek jáne halyqty áleýmettik qorǵaý ministrliginiń málimetteri boiynsha mundai adamdardyń 110,8 myńy, iaǵni 30%-y jumyspen qamtylǵan.
Múgedektigi bar azamattardy jumyspen qamtý boiynsha elimizde Ulytaý oblysy kósh bastap tur. Ulytaýda múgedekterdiń 44,5 paiyzy jumyspen qamtylǵan, al Qaraǵandyda 38,5paiyz múmkindigi shekteýli adam jumyspen qamtylyp ekinshi orynda eken.Sonymen qatar elimizdegi jumysqa belsene aralasyp júrgen múgedekterdiń sany boiynsha Astana qalasy úshtikke kirgen. Olardyń sany 38 paiyzdy quraidy.Túrkistan, Jambyl jáne Abai oblystary kósh sońynda eken.
Tiisti ministrliktiń dereginshe múgedektigi bar adamdardy jumysqa ornalastyrý úshin jumyspen qamtýdyń tsifrlyq qyzmeti engiziledi. Bul qyzmet azamattardy jumyspen qamtyǵanǵa deiin proaktivti súiemeldeitin bolady.
Eńbek jáne halyqty áleýmettik qorǵaý ministrligi biyldan bastap 17 myńǵa jýyq múgedektigi bar adamdardy kvotamen qamtýdy josparlap otyr. Bul 2025 jylmen salystyrǵanda 2 ese kóp.
