Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev muǵalimder men oqýshylarǵa arnaiy tariftik jospar shyǵarý máselesi pysyqtalyp jatqanyn málim etti, dep habarlaidy «Ult aqparat».
Bul týraly Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev Úkimet otyrysynda aitty.
«Uialy bailanys operatorlary men muǵalimder men oqýshylarǵa arnalǵan tariftik jospar shyǵarý máselesi pysyqtaldy. Bul tariftik jospar muǵalim men oqýshy arasyndaǵy limitsiz qońyraýlardy, sondai-aq Bilim jáne ǵylym ministrligi belgilegen bilim berý otandyq resýrstaryna qoljetimdilikti qarastyrady», - dedi Asqar Jumaǵaliev.
Onyń aitýynsha, bul qashyqtyqtan oqytýǵa kóshýge, sondai-aq, elimizdiń shalǵai eldi mekenderinde elektrondyq qyzmet kórsetýge múmkindik beredi.
