QR Bilim jáne ǵylym ministri Ashat Aimaǵambetov pedagogtardy artyq sharýadan bosatý jumystary týraly aityp berdi, dep habarlaidy "Ult aqparat".
«Pedagog jumysynyń sapasy oqýshylardyń bilim sapasyna tikelei áser etedi. Sondyqtan pedagog artyq sharýamen ainalyspaýy kerek. Balalardyń bilimi men tárbiesine jumys isteitinin túsinýi kerek. Sondyqtan, biz ári qarai pedagog mártebesin kóterýdi, áriptesterimizdi qoldaý men damytý úshin jaǵdai jasaýdy jalǵastyramyz», - dedi ministr Feisbýk jelisinde halyq aldynda esep berý barysynda.
Onyń aitýynsha, muǵalim júktemesin azaitý úshin qujattar sany da qysqartylǵan.
«Endi muǵalimder kúnine eki qujatty ǵana toltyrady. Bul jumystardy qaitadan qarastyryp jatyrmyz. Bul tek mektep muǵalimderine emes, mektepke deiingi uiymdardyń, kolledj, joǵary jáne joǵarǵy bilimnen keiingi uiymdardyń pedagogtaryna qatysty. Pedagog tikelei óz fýnktsiialarymen ǵana ainalysýy kerek. Tekserýshilerge esep berý syndy máselelerdi qaita qarap, shekteýlerdi alyp tastadyq», - dedi A. Aimaǵambetov.
