Foto: medicalbusinesschool.com
Jambyl oblysy, Sarysý aýdany, Jańatas qalasynda monshada janjal kezinde tóbeleske ulasqan oqiǵa boiynsha sot úkimi shyqty, dep habarlaidy oblystyq sot.
Balalarymen kelgen áiel monshaǵa tóleý aqysyna kelispei, qojaiynmen janjaldasyp, ony smartfonmen urǵan. Saraptama qorytyndysy boiynsha jábirlenýshige birinshi dárejeli mi kontýziiasy jáne jabyq mi jaraqaty kelgen, bul ómirge qaýipti densaýlyqqa aýyr ziian sanatyna jatady.
Aiyptalýshy «Densaýlyqqa qasaqana aýyr ziian keltirý» baby boiynsha aiyptalyp, kinásin tolyq moiyndap, jasaǵan isine ókinish bildirdi. Jábirlenýshi sotta ony keshiretinin aitty.
Prokýror 4 jylǵa bas bostandyǵynan aiyrý jazasyn suraǵan. Sot úkimimen áiel kináli dep tanylyp, 4 jylǵa bas bostandyǵynan aiyrý jazasy taǵaiyndaldy, biraq jazany oryndaý jas balalardyń bolýyna bailanysty 5 jylǵa keiinge qaldyryldy.
Úkim zańdy kúshine endi.
