Búgin Mońǵoliiada prezidentti sailaý naýqany resmi túrde bastaldy, dep habarlaidy "Ult aqparat" Mońǵoliianyń MONTsAME agenttigine silteme jasap.
24 mamyr kúni Bas sailaý komissiiasy (BSK) prezidenttik sailaý kandidattary Ý.Húrelsýh (Mońǵoliia halyq partiiasynan, Kúrelsúk dep oqylady), S.Erdene (Demokratiialyq partiia) jáne D.Enhbatqa (Durys úmitker, elektorat koalitsiiasy, Enkbat dep oqylady) kýálikterdi tabystady. Osylaisha, sailaýaldy naýqan daýys berýge 16 kún qalǵanda bastalyp ketti.
Sondai-aq búgin BSK el Prezidentin sailaý týraly zańyna sáikes Sybailas jemqorlyqqa qarsy kúres basqarmasyna prezidentke úmitker kandidattardyń tabystary týraly esep beredi. Kandidattardyń tabysy týraly esep basqarmanyń resmi saitynda jariialanady. Ulttyq aýditorlyq basqarma daýys berý bastalǵansha óziniń saitynda kandidattardyń sailaýaldy baǵdarlamasynyń baǵalanýyn jariialaý qajet.
Prezidentti sailaý týraly zańǵa sáikes, sailaý naýqany 15 kúnge sozylady, bul ýaqytta saiasi partiialar men kandidattarǵa tómende atalǵandardan basqa sailaýaldy úgit-nasihat júrgizýge tyiym salynady:
- Úgit-nasihat baspa materialdary sailaýshylar arasynda jappai taratýǵa arnalǵan;
- Teledidar men radioda sailaýaldy úgit júrgizý;
- Sailaý naýqanynda áleýmettik jelini qoldaný;
- Kósheler men alańdarda úgit-nasihat plakatyn ornalastyrý;
- Sailaýaldy shtab jumysy.
