Moldova Respýblikasyndaǵy tótenshe jaǵdai 31 tamyzǵa deiin uzartyldy, dep habarlaidy MOLDPRES agenttigi.
Mundai sheshim búgin premer-ministr Ion Kiký jetekshilik etetin Qoǵamdyq densaýlyq ulttyq tótenshe komissiiasynyń otyrysynda maquldandy.
Memlekettik jáne jeke mekemelerde burynǵysha toi men shoqyndyrý sekildi rásimderdi uiymdastyrýǵa tyiym salynǵan. Qoǵamdyq tamaqtaný oryndarynda 50 adamǵa deiin, tártipti qatań saqtai otyryp jinalýǵa ruqsat etiledi. Týristik jáne velosiped tebý, júgirý, eskek esý jáne balyq aýlaý syndy taza aýadaǵy sharalar uiymdastyrýǵa ruqsat etilgen. Biraq bir toptaǵy adam sany 10-nan aspaýy kerek.
Moldova Respýblikasynda 22 105 adam koronavirýs juqtyrǵan. Qazirgi ýaqytta 30 836 adam meditsina qyzmetkerleriniń baqylaýynda, al 212 naýqas emdelip jatyr.
