Daniiar altyn aldy! Kúlli Alashty qýanyshqa bóledi. Búkil qazaq bórkin aspanǵa ata qýandy. Iá, qazaq balasy olimp shyńyna kóterilse, kóńil qalai aspandamasyn?!
Aqyn Miras Asan shattyǵyn óleńge tógipti. Oqiyq...
Kókjal qazaq Daniiar
Saq babańnyń altyn bopty kiimi,
Ǵun babańnyń altyn bopty buiymy.
Altyn bizge tańsyq emes,
másele -
Seniń shyqqan tuǵyrynnyń, biigi!
Altyn júrek Daniiar!
Altyn bizdi aparmapty baqqa alyp,
"Altyn, kúmis tas eken" dep jattadyq.
Altyn alǵan keshegi orys, mysaly
Altyn Ordam tabanynda jatty, anyq.
Bolat bilek Daniiar!
Altynǵa qul bolǵan emen saltymda,
Artymda ul
qalsa altyn, ór tulǵa!
Bul jerde de altynda emes másele,
Eluranyn Alashymnyń al, tynda!
Ór, nar ǵajap Daniiar!
Búktep soqqan oǵlandardy talai tik,
Halqyńdy altyn qoidyń tipti zoraityp!
Qoiynyna altyn tyqqan álem tur,
Moiynyńa altyn taqqan seni aityp!
Kókjal qazaq Daniiar!
17.VIII. 2016
Karaganda
Ult portaly
