Mańǵystaý oblysynda jylqylardyń qyrylyp qalýyna jem-shóp az bolýy sebep. Bul óńirdegi klimat jaǵdaiynyń saldarynan bolǵan. Bul týraly Aýyl sharýashylyǵy ministrligi ókilderi málimdedi, - dep habarlaidy Tengrinews.kz.
"Mańǵystaý oblysy ákimdiginiń shuǵyl málimetine súiensek, naqty jylqy maly qyrylǵan. Mal jaiý kezeńi bastalǵaly shamamen 400 bas mal qyryldy, bul jalpy malǵa qatysty. Túrli sebep bar, veterinarlyq qyzmet eseptep jatyr. Birinshi kezekte maldyń qyrylýynyń aldyn alý qarastyrylyp jatyr", - dep habarlady QR AShM Mal sharýashylyǵy ónimderin óńdeý jáne qaita óńdeý departamentiniń direktory Erkebulan Ahmetov.
Shuǵyl shara qabyldaý úshin respýblikalyq jumys toby qurylyp, oǵan Májilis depýtattary, AShM ókilderi jáne Ekologiia, geologiia jáne tabiǵi resýrstar ministrligi ókilderi kirgen.
"Top 26-30 mamyr aralyǵynda qazirgi jaǵdaidy baǵalap, shuǵyl shara ázirleý úshin - mal basyn jem-shóppen qamtý úshin jolǵa shyqqan. Ákimdik deńgeiinde shtab quryldy. Mindeti - jem-shóppen qamtý.
Shtab aiasynda Aqtóbe oblysyndaǵy fermerlik sharýashylyqtar memorandýmǵa qol qoidy. Keshe jedel shtab oqiǵa ornyna shyqty. Qazir Aqtóbe oblysynyń Qobda jáne Oiyl aýdandarynda jem-shóppen qamtamasyz etý, shóppen qamtamasyz etý úshin arnaiy shóp shabý aýmaqtaryn anyqtaý boiynsha kelisimder jasaldy. Mal basynyń bir bóligi jazǵy jaiylymdy qamtamasyz etý úshin osynda tasymaldanady", - dedi Erkebulan Ahmetov.
"Daiyndaý jumystary bastalyp ketti, byltyrǵy qor boiynsha 10 myń tonna shóp, jońyshqa bar, bul kólem Mańǵystaý oblysyna ortalyqtandyrylǵan jetkizý úshin satyp alynady", - dep tolyqtyrdy Aýyl sharýashylyǵy ministrliginiń ókili.
Onyń aitýynsha, mal azyǵy tapshylyǵy klimattyq jaǵdailarǵa bailanysty qalyptasty.
"Qysta qar az boldy, jaýyn-shashyn mólsheri ortasha deńgeiden tómen boldy. Joǵary temperatýra jaǵdaiyna bailanysty shóp joq. Árine (biz bul faktini rastaimyz). (...) Sońǵy úsh jyl ishinde qurǵaq jaz mezgili baiqalady, ásirese óńirdiń joǵarǵy bóliginde", - dep atap ótti ol.
Eske salaiyq, buǵan deiin Mańǵystaý oblysynda kólge qulap, kóterile almaityn qalǵan jylqyny eriktiler qutqarǵan bolatyn. Oqiǵa Saýra saiynda bolǵan. "Aqtaý qaiyrymdylyq klýby" eriktileri atty qutqarý oqiǵasyn Instagram-daǵy paraqshasynda jariialaǵan.
