Foto: malim.kz
Ministrlik bir top jýrnalistiń úndeýine qatysty resmi jaýap berip, jaǵdaiǵa asyǵys baǵa berýge bolmaitynyn málimdedi, dep habarlaidy Ult.kz.
Vedomstvonyń habarlaýynsha, mundai isterde zańda qarastyrylǵan barlyq rásimder tolyq aiaqtalmaiynsha túsindirý jumystaryn júrgizý, dálelsiz qorytyndy jasaý nemese aldyn ala baǵa berý durys emes. Ministrlik bul áreketter oqiǵanyń mánin burmalap, protsess qatysýshylaryn negizsiz qaralaýǵa alyp kelýi múmkin ekenin atap ótti.
Sonymen qatar vedomstvo taratylyp jatqan aqparattyń shynaiylyǵyn tekserý – «Mass-media týraly» zańda bekitilgen jýrnalisterdiń basty mindetteriniń biri ekenin eske saldy. Zańnyń 68-babynda jýrnalisterdi jalǵan aqparat taratqany úshin jaýapkershilikten bosatatyn jaǵdailar da naqty kórsetilgen. Atap aitqanda, resmi málimdemeler sózbe-sóz, ózgerissiz berilgen jaǵdaida jaýapkershilik qoldanylmaidy.
Ministrlik kez kelgen máseleni qaraý barysynda «Zań jáne tártip» qaǵidaty qatań saqtalýy tiis ekenin jetkizdi. Óitkeni zań – barshaǵa ortaq, ony saqtaý barlyq azamat úshin mindetti.
Vedomstvo óz tarapynan jaǵdaidy baqylaýda ustap otyrǵanyn jáne qajet bolǵan jaǵdaida zań aiasynda tiisti sharalar qabyldaýǵa daiyn ekenin málimdedi. Sonymen qatar barlyq protsessýaldyq áreketter syrtqy aralasýsyz, zańnama talaptaryna sai júrgizilýi tiis ekeni atap ótildi.
