Qorǵanys ministrligi paidalanýǵa jaramsyz oq-dárilerdi Indýstriia jáne infraqurylymdyq damý ministrliginiń vedomstvolyq uiymy «Qaztehnologiia» aktsionerlik qoǵamyna beredi, dep habarlaidy "Ult aqparat".
Ministrliktiń habarlaýynsha, atalmysh «Qaztehnologiia» AQ uiymy olardyń quramyndaǵy jarylys qaýpi bar zattardy alyp, ony joia otyryp, óndiriste kádege jaratý protsesin júrgizedi.
Oq-dárilerdiń synyqtary osyndai úrdisten keiin ǵana gosreestr.kz elektrondyq saýda alańy arqyly satýǵa qoiylady.
Videoda kórsetilgen snariadtardyń syrty men oqsaýyty – bul oq-dárilerdi kádege jaratqannan keiin alynǵan jáne elektrondyq alańyndaǵy saýda arqyly jeke kásiporynǵa satylǵan metall synyqtary. Olar qorshaǵan ortaǵa eshqandai qaýip tóndirmeidi.
Óndiristik baza «Baqtiiar-Group» JShS-ǵa tiesili ekeni tekserý barysynda anyqtaldy. Onyń aýmaǵynda qara metall synyqtary (kúidirilgen metall, bolat jáne shoiyn metall) saqtalǵan.
Atalǵan metaldy «Baqtiiar-Group» JShS 2021 jyly 30 naýryzda Túrkistan oblysy, Arys qalasynda «Qaztehnologiia» AQ-nyń metall synyqtary qoimasymen jasalǵan shart negizinde satyp alǵan.
«Baqtiiar-Group» JShS habarlamaǵa sáikes zańdy mekenjaiy: QR, Jambyl oblysy, Baizaq aýdany, Sarykemer aýylynda tirkelgen. Bul uiymnyń tústi jáne qara metall synyqtary men qaldyqtaryn jinaý (daiyndaý), saqtaý, óńdeý jáne ótkizý boiynsha qyzmetti júzege asyrýdy bastaǵany týraly litsenziiasy bar.
26 tamyzda órt shyqqan Jambyl oblysy Baizaq aýdanyndaǵy oq-dáriler qoimasynda mundai oq-dáriler saqtalmaǵanyn aita ketken jón.
