Budan basqa, Pavlodar oblysynyń qala qurylysy jáne jerdi baqylaý basqarmasy osy obektige tiisti túrde kameraldyq baqylaý júrgizbegen.
Osylaisha, Komitet tehnikalyq qadaǵalaýdy júzege asyratyn tulǵa qurylys barysy týraly ai saiynǵy esepterin usynbaǵanyn anyqtady. Osy obektige bekitilgen tehnikalyq qadaǵalaýdyń jaýapty sarapshysy Komitet reestrine sáikes kompaniiaǵa 2019 jylǵy jeltoqsanda qabyldanyp jáne 2021 jylǵy sáýirde shyǵarylǵan.
Budan basqa, tehnikalyq qadaǵalaý kompaniiasynda 2021 jylǵy 19 naýryzda tehnikalyq qadaǵalaýdy júzege asyrýǵa akkreditteýdiń merzimi ótken.
Osylaisha, memlekettik sáýlet-qurylys baqylaý monitoringi barysynda osy faktilerdi anyqtap, qurylysty toqtatý boiynsha tiisti sharalar qabyldaýy kerek edi.
Sondai-aq, qulaǵan úige qarama-qarsy dál osyndai úidiń sol merdigermen («Elit Servis Pliýs» JShS) salynyp jatqanyn atap ótken jón.
«Búgingi tańda atalǵan másele boiynsha arnaiy komissiia qurylyp, Komitettiń ókili jergilikti jerge bardy. Sonymen qatar, jaýapty memlekettik organdardy tekserýge bastama jasalyp, olardyń nátijeleri boiynsha tiisti sharalar qabyldanatyn bolady», - delingen habarlamada.
Osyǵan deiin Pavlodarda salynyp jatqan ǵimarat qirap, úiindi astynda qalǵan 3 adam aýrýhanaǵa jetkizilgeni habarlanǵan edi.
