Densaýlyq saqtaý ministrligi eks-basshy Eljan Birtanovtyń densaýlyǵyna qatysty aqparat berdi.
"Qazir eks-basshy astanadaǵy juqpaly aýrýlar aýrýhanasynda koronavirýstan emdelip jatyr. Oǵan "pnevmoniia" diagnozy qoiyldy. Dárigerlerdiń aitýynsha, jaǵdaiy qalypty. "COVID-19 koronavirýs infektsiiasyn" emdeýdiń klinikalyq hattamasy boiynsha statsionarda em alyp, saýyqtyrýdan ótýde", - delingen habarlamada.
Eks-ministr astanadaǵy juqpaly aýrýlar aýrýhanasynda emdelip jatyr.
25 maýsym kúni prezident jarlyǵymen Birtanov ministr qyzmetinen bosatylǵan bolatyn. Vedomstvony endi buǵan deiin ministr mindetin ýaqytsha atqarǵan Aleksei Tsoi basqarady.
14 maýsymda eks-ministr Eljan Birtanovtyń koronavirýs juqtyrǵany belgili boldy. Oǵan deiin ol úkimet basshysymen birge Jambyl oblysyna barǵan. Birtanovtyń diagnozy rastalǵannan keiin Asqar Mamin jáne birneshe ministr oqshaýlanyp, test tapsyrdy. Koronavirýs tabylǵan joq. Qazir barlyǵy qaitadan jumysqa kiristi.
