Photo : SS0 / skeeze
Qazaqstanda ańdardy atý limiti bekitildi. Ekologiia, geologiia jáne tabiǵi resýrstar ministri 10 maýsymda buiryqqa qol qoidy, dep habarlaidy Sputnik Qazaqstan.
Qujatqa sáikes, ań aýlaý kezinde, 2022 jyldyń 1 shildesinen 2023 jyldyń 15 aqpanyna deiin 15 124 qaban, 1110 maral jáne 11 185 sibir eligin atýǵa bolady.
Sondai-aq, atýǵa arnalǵan limit janýarlardyń basqa túrleri boiynsha bekitilgen.
Atalǵan kezeńde 515 qarsaq, 1 347 taý eshkisi, 150 qońyr aiý, 126 sileýsin, 509 janat tárizdi it, 13 904 korsak, 57 764 túlki, 15 132 borsyq, 10 297 aq tyshqan, 109 148 ondatr, 391 322 qoian, 304 430 sýyr, 254 myń qaz, 886 myń úirek, 52 758 qur, 87 489 qyrǵaýyl, 111 338 kekilik jáne 132 904 kógershin atýǵa ruqsat berildi.
Ár aimaqta ań aýlaýǵa óz shekteýi belgilengen. Buiryq áli kúshine engen joq.
