Qorǵanys ministrligi málimetinshe, "Áskeri qyzmet jáne áskeri qyzmetshilerdiń mártebesi týraly" zańnyń 30-babyna sáikes merzimdi áskeri qyzmetke shaqyrylýǵa jatatyn azamattar jergilikti áskeri basqarý organyna shaqyrý komissiiasyna kelýge mindetti. Shaqyrý qaǵazyn azamatqa jergilikti áskeri basqarý organdarynyń laýazymdy adamdary jeke ne jumys (oqý) orny boiynsha uiym basshysy qol qoiý arqyly tapsyrady.
Merzimdi áskeri qyzmetke shaqyrylǵandardy irikteý birneshe kezeńmen júrgiziledi, ol birneshe kúndi alady, onyń barysynda olar meditsinalyq komissiiadan, psihologiialyq irikteýden jáne ásker ókilderimen áńgimelesýden ótedi.
"Sondyqtan azamattardy jappai nemese kenetten áskeri qyzmetke jiberý múmkin emes, óitkeni áskerlerdi jasaqtaý mindetti sharalardyń tutas kesheni sanalady", - deidi vedomstvo ókilderi.
Qorǵanys ministrligi málimetinshe, "aspiranttar arasynda aldyn ala oqý ornynyń basshylyǵymen kelisilgen túsindirý jumystary júrgizilip, áskeri qyzmetke jaramdylyq dárejesin anyqtaý úshin meditsinalyq komissiiaǵa shaqyrý qaǵazdary tapsyrylady".
"Áskeri qyzmet jáne áskeri qyzmetshilerdiń mártebesi týraly" Zańnyń 35-baby 3-tarmaǵyna sáikes, merzimdi áskeri qyzmetshilerge oqý merzimine oqýyn jalǵastyrý úshin keiinge qaldyrý qarastyrylǵan. Osylaisha, azamattar oqýdy aiaqtap, emtihandaryn tapsyrǵannan keiin, áskerge shaqyrýdy keiinge qaldyrý quqyǵynan aiyryldy. Bul rette, áskeri qyzmet – memleketimizdiń ulttyq egemendigin saqtaýdyń negizi, al jastardy tárbieleý jáne Otan qorǵaýǵa daiyndaý tek memlekettik qurylymdardyń ǵana emes, eń aldymen, eń mańyzdy mindet ekenin uǵynǵan jón", - dep tolyqtyrdy Qorǵanys ministrligi ókilderi.
Jyl saiyn ásker qataryna 35 myńǵa jýyq ásker shaqyrylady. Zańda áskerge shaqyrýdan jaltarǵany úshin ákimshilik jáne qylmystyq jaýapkershilik qarastyrylǵan.
