Aqparat jáne qoǵamdyq damý ministri Asqar Omarov Almatyda jýrnalist Mihail Kozachkovpen bolǵan oqiǵaǵa qatysty túsinik berdi, - dep habarlaidy Tengrinews.kz agenttigi.
"Aqparat jáne qoǵamdyq damý ministrliginiń jýrnalist Mihail Kozachkovpen bolǵan oqiǵaǵa qatysty ustanymyn túsindirgim keledi.
Biz jaǵdaidy muqiiat qadaǵalap otyrmyz. QR Konstitýtsiiasynyń 20-baby sóz bostandyǵyna kepildik beretinin eske salamyn. Árkimniń zań júzinde tyiym salynbaǵan kez kelgen tásilmen aqparatty erkin alýǵa jáne taratýǵa quqyǵy bar", - dep jazdy ministr óziniń Facebook-tegi paraqshasynda.
Ministr vedomstvo tergeý barysyn qadaǵalaitynyn aitty.
"Árine, ministrlik BAQ ókiline, sondai-aq onyń múlkine qatysty mundai zańsyz áreketter aqtalmaitynyna senimdi. Quqyq qorǵaý organdary mundai áreketterge tez arada quqyqtyq baǵa beredi dep senemin.
Ministrlik óz tarapynan jýrnalistke qatysty ashyqtyqty qamtamasyz etý maqsatynda qylmystyq is júrgizý zańnamasynda berilgen múmkindikter sheńberinde tergeý barysyn qadaǵalaidy", - dedi Omarov.
