QR Bilim jáne ǵylym ministri Ashat Aimaǵambetov M.H.Dýlati atyndaǵy Taraz óńirlik ýniversitetiniń jańa rektoryn ujymǵa tanystyrdy, dep habarlaidy "Ult aqparat".
Ashat Aimaǵambetov Jambyl oblysyna jumys saparymen keldi. Onyń barysynda M.H. Dýlati atyndaǵy Taraz óńirlik ýniversitetiniń professorlyq-oqytýshylyq quramymen kezdesti. Kezdesýge Jambyl oblysynyń ákimi Berdibek Saparbaev ta qatysty.
Qazaqstan Respýblikasynyń Bilim jáne ǵylym ministri ujymǵa ýniversitettiń jańa rektory Talǵat Eshenqulovty tanystyrdy.
Ministr Talǵat Eshenqulovtyń bilim berý salasyndaǵy mol tájiribesin eskere otyryp, Memleket basshysy Qasym-Jomart Toqaev qoiǵan mindettemelerdi ujymmen birge oidaǵydai oryndaitynyna senim bildirdi. Sondai-aq buǵan deiin ýniversitet rektory qyzmetin atqarǵan Mahmetǵali Sarybekovke jemisti jumysy úshin alǵysyn bildirip, onyń bilim berý salasyn damytýǵa qosqan zor úlesin atap ótti.
«Elimizdiń bolashaǵy muǵalimderdiń kásibi sheberligi men biliktigine bailanysty. Sizderge úlken úmit artylyp otyr. Óitkeni sizder óz bilimderińizdi Otanymyzdyń bolashaǵy úshin eńbek etetin urpaqty laiyqty tárbieleý jolynda jumsaisyzdar. Sizge óte mańyzdy mindet - joǵary bilikti mamandardy daiarlaý tapsyryldy», - dedi oblys ákimi jinalǵandar aldynda.
Kezdesý barysynda bilim sapasy, dýaldy oqytý, túlektermen bailanys, ǵylymi jobalardy daiyndaýǵa qatysty máseleler talqylandy.
